PBL Day 2026

Jardunaldi honen hamaikagarren edizioak ingeniaritzako 1., 2. eta 3. mailako 136 ikasle bildu ditu, eta ikasturtearen lehen seihilekoan garatutako proiektu eta prototipoak aurkeztu dituzte. Proiektuak PBL (Project Based Learning) metodologiaren bidez garatu dira, proiektu errealen eta talde-lanaren bidezko ikaskuntzan oinarritua.

Guztira, 1.641 ikaslek hartu dute parte prestakuntza-prozesuan, eta 360 proiektu baino gehiago garatu dituzte. Horietatik 27 aukeratu dira PBL Day-n erakusteko. Mondragon Unibertsitateko hamar ingeniaritza-graduetako taldeek irtenbide berritzaileak erakutsi dituzte, gizarte-, teknologia- eta ingurumen-erronkei erantzuteko.

Lehen saria, 1.000 eurokoa, Orona Fundazioak eman zuen, eta EGGZEN proiektuari egokitu zitzaion. Proiektu hori 3 eta 4 urte bitarteko haurren emozioak erregulatzeko eta gelan trantsizioa egiteko diseinatutako tresna sentsoriala da. Fluidoen dinamikan eta Montessori printzipioetan oinarritutako tresnak haurren ongizatea sustatzen du zentzumenen esplorazioaren bitartez.

Orona Fundazioan funtsezkoa iruditzen zaigu PBL Day bezalako espazioak babestea, hezkuntza gizartearen benetako erronketara hurbiltzen baitute eta funtsezko gaitasunak sustatzen baitituzte, hala nola sormena, lankidetza, jasangarritasuna eta berrikuntza-gaitasuna.