Txiki Txoko proiektua, emakume migratzaileentzako inklusioa eta kontziliazioa

Esparru horretan, Arrats Elkarteak bultzatutako Txiki Txoko proiektuari laguntzen jarraitzen dugu. Migrazio-prozesuetan murgilduta dauden emakumeei eta haien seme-alabei, laguntza psikoedukatiboa eta soziala ematera bideratutako ekimena da.

Proiektuaren helburua da gizarte-bazterketako egoerak prebenitzea eta gizarteratze- eta laneratze-prozesuak erraztea. Gaur egun, Txiki Txokok 50 emakume migratzaile inguru eta haien familiak laguntzen ditu, horietako asko guraso bakarreko familiak, isolamendu egoerei, lan prekarietateari, zaintza gainkargari edo laguntza sare faltari aurre egiten dietenak.

Programa honen bidez, parte-hartzaileek laguntza integraleko espazio bat aurkitzen dute, laguntza emozionala, orientazio soziala eta haurrak eta adingabeak zaintzeko kontziliazio-baliabideak konbinatzen dituena.

Ekimenaren beste alderdi nabarmenetako bat belaunaldien arteko boluntario-sare baten inplikazioa da. Sare hori gehienbat emakumeek osatzen dute, horietako asko erretiratuak, eta proiektuaren parte-hartzaileei laguntzen ematen diete.

Laguntza horren bidez, Orona Fundazioak ingurune bidezkoagoak eta irisgarriagoak eraikitzen lagundu nahi du, non pertsona guztiek, beren jatorria edo egoera edozein dela ere, beren bizi-proiektua duintasunez, aukerekin eta gizarte-sustraiekin garatu ahal izango duten.