Txiki Txoko

Arrats Elkarteak -gizarte bazterketaren aurkako borrokan ibilbide luzea duen erakundea- sustatutako Txiki Txoko egitasmoarekin bat egin nahi izan dugu. Ekimen hau funtsezko behar bati erantzuteko sortu da: seme-alabak beren kargura dituzten eta egoera ahulean dauden emakume migratzaileei kontziliazioa erraztu eta laguntza ematea.

Txiki Txoko gizarte-bazterketa jasateko arriskuan dauden emakumeei zuzenduta dago batez ere, horietako asko ama soilak, haurdun daudenak edo iritsi berriak, lan prekarioak dituztenak, erregularizazio prozesuan daudenak eta lurraldean familia- edo komunitate-sarerik ez dutenak dira. Kasu askotan, emakume horiek migrazio-dolua, deserrotzea, kultura-talka eta prestakuntza- edo enplegu-aukerak lortzeko zailtasun handiak izaten dituzte.

Proiektuak espazio seguru eta abegitsua eskaintzen du, non emakume hauek laguntza emozionala jaso, esperientziak partekatu eta, batez ere, adin txikiko seme-alabak zaintzeko zerbitzua izan dezaketen, haiek prestakuntza-jardueretan, lan-munduan sartzeko jardueretan edo pertsonak sendotzeko jardueretan parte hartzen duten bitartean. Gainera, laguntza-sare bat antolatzen da boluntarioekin eta programako beste parte-hartzaile batzuekin, eta erreferente komunitarioak eta harrera-gizartearekiko lotura afektiboak sustatzen dira.

Orona Fundazioan, Txiki Txokoren ikuspegi integrala biziki balioesten dugu, zainketetatik eta komunitatetik inklusio errealaren alde egiten baitu. Gure ustez, ekitatea sustatzeko, emakume horiek dituzten oztopo ugariak aitortu behar dira, eta haien autonomia, ongizatea eta gizarte-bizitzan aktiboki parte hartzea bultzatuko duten baliabideak eskaini behar zaizkie.