Programa Aukera
(H)emen elkarteak bultzatutako mentoretza-programak ikus-entzunezkoen alorrean ibilbidea hasten ari diren emakumeak laguntzen ditu beren film laburren proiektuak garatzen eta ekoizten.
21 Abu 2026
Aukerak mentoretza-prozesu bat eta prestakuntza espezializatua eskaintzen dizkie hautatutako sortzaileei, beren film laburren proiektuak garatzeko, lehen faseetatik hasi eta aurre-ekoizpeneraino. Programak irauten duen bitartean, parte-hartzaileek babes-profesionala izaten dute, beren proposamenak aurkezteko aukera dute eta ikus-entzunezkoen industriako profesionalekin harremanetan jartzen dira.
Bide horretan, sektorean lehen urratsak ematen ari diren emakumeei beren proiektuak sendotzeko tresnak eta ezagutzak ematen dizkie programak, eta, aldi berean, lanbide-sareetara sartzea errazten die eta industriaren funtzionamendua gertutik ezagutzeko aukera ematen die.
Ahots eta begirada berriak bultzatzea
(H)emen elkartea 2016an sortu zen, arte eszenikoetako eta ikus-entzunezkoen sektoreko emakume profesionalen ikusgarritasuna bultzatzeko, lan-harremanak eta aukerak sendotzeko eta genero-desberdintasunak murrizten laguntzeko.
Orona Fundazioan bat egiten dugu emakumeen talentuari eta ahotsei ikusgarritasuna emateko eta aukerak sortzeko apustu honekin. Aukera bezalako ekimenak babestea sortzaile berrien garapenean laguntzea da, baita ikus-entzunezkoen sektore orekatuagoa, anitzagoa eta bidezkoagoa eraikitzen laguntzea ere.
