Merkatu-e

Jasangarritasunarekin, berrikuntza sozialarekin eta tokiko ekonomia sustatzearekin duen konpromisoaren esparruan, Orona Fundazioak Donostiako San Martin Merkatuarekin duen lankidetza berritu du, Merkatu-e proiektuaren bidez. Proiektu horrek tradizioa, digitalizazioa eta kontzientzia ekologikoa batzen ditu.

Merkatu-e online denda bat baino askoz gehiago da: betiko hornikuntza-merkatuaren bilakaera da, gaur egungo kontsumo-ohituretara egokitutako eredu baterantz, bere funtsa galdu gabe. Plataforma horri esker, Donostialdeko herritarrek etxetik bertatik eros ditzakete produktu freskoak, hurbilekoak eta kalitate gorenekoak.

Proiektuaren funtsezko alderdietako bat, eta ikuspegi jasangarria indartzen duena, Txitarekin lankidetzan aritzea da. Txita garraio ekologikoan erreferentea den enpresa donostiarra da, eta eskaerak trizikloen eta ibilgailu %100 elektrikoen bidez banatzen ditu. Aliantza horri esker, produktuak modu garbi eta eraginkorrean iristen dira etxeetara, eta, hala, karbono-aztarna eta hiri-garraioaren ingurumen-inpaktua murrizten dira.

Merkatu-erekin, digitalizazioa pertsonen zerbitzura jartzen da, eguneroko bizitza erraztuz, tokiko saltoki txikiei lagunduz eta kontsumo-eredu arduratsu, etiko eta ingurunearekin konektatua indartuz.

Orona Fundaziotik harro gaude proiektu hau babesten jarraitzeaz. Izan ere, tokiko eragileen arteko lankidetzak balio ekonomikoa, soziala eta ingurumenekoa sor ditzakeela erakusten du, hiri jasangarriagoa, bidezkoagoa eta kohesionatuagoa sustatuz.