Kind Surf
Gizarteratzearen ekimen eraldatzailea
04 Eka 2025
Gizarte bidezkoago eta inklusiboago bati laguntzen dioten ekimenak babesteko egin dugun apustu irmoaren barruan, Shelter Surf Club-ek sustatutako Kind Surf proiektua babestea erabaki du Orona Fundazioak. “Bring Happiness” leloarekin jaiotako programa honek, aniztasun funtzionala duten haur eta gazteei surfa praktikatzeko aukera eskaintzen die ingurune terapeutiko, inklusibo eta naturarekiko begirunetsuan.
2012an sortu zenetik, Kind Surf erakunde aitzindari gisa finkatu da surf egokituko terapian, kirola, itsasoarekiko kontaktua eta ingurumen-hezkuntza uztartzen dituen ikuspegi holistikoarekin. Saioak Shelter Surf Club-en egiten dira, eta diziplina anitzeko talde batek gidatzen ditu: surf terapeutikoko irakasleak, psikologoak, terapeuta okupazionalak, surflari profesionalak eta boluntario ugari.
Ekimen aipagarrienetako bat da 2017tik martxan dagoen jarraipen-programa, urtean 8 hilabetez astero surf eskolak ematen dituena. Programa honen bidez, aurrerapen esanguratsuak ikus daitezke aniztasun funtzionala duten adingabeetan.
Fundaziotik aitortzen dugu Kind Surf ekimena inspirazio-iturria dela surfa inklusiorako eta gizarte-eraldaketarako tresna bihurtzeko.
