KEMEN Kirol Klubeko Powerchair Futbol taldea

Orona Fundazioan, kirolaren alde egiten jarraitzen dugu, gizarteratzeko eta gizartea eraldatzeko tresna gisa, eta KEMEN Kirol Klubeko Powerchair Futbol talde berria martxan jartzen eta finkatzen laguntzen dugu.

KEMEN Kirol Klubak urteak daramatza desgaitasun funtzional eta sentsoriala duten pertsonen artean kirola sustatzeko lanean, kirol egokituaren bidez parte hartzeko eta garapen pertsonalerako espazioak eskainiz.

Powerchair Futbol gurpil-aulki elektrikoetan jokatzen den futbolaren modalitate egokitua da. Desgaitasun fisiko handiak dituzten pertsonentzat diseinatutako kirol honek aukera ematen du lehiaketaz berdintasunean gozatzeko, mugimen-trebetasunak, talde-espiritua eta sozializazioa sustatuz. Pista estalian jokatzen da, baloi handiago batekin eta aulkietan egokitutako defentsekin. Horrek praktika segurua eta irisgarria bermatzen du.

Fundazioak taldeari laguntzen dio Powerchaireko Bigarren Mailan sendotzeko prozesuan, non aurreikusita baitago urtean bi partida ofizial jokatzea, 2025eko azaroan eta 2026ko ekainean.

Lankidetza horren bidez, Orona Fundazioak desgaitasunen bat duten pertsonen aukera-berdintasunarekin, autonomia pertsonalarekin eta bizi-kalitatea hobetzearekin duen konpromisoa indartzen du.