Izan Fundazioaren 40. urteurrena

Joan den maiatzaren 30ean, Izan Fundazioa – Proyecto Hombre elkartearen 40. urteurrena ospatzeko jardunaldia egin genuen Orona Fundazioaren auditorioan, “Adikzioetatik haragoko arreta integrala” lelopean.

Izan Fundazioak antolatuta, osasun arloko profesionalak, gizarte eragileak, familiak eta adikzioen tratamenduari lotutako pertsonak bildu ziren topaketan, osasun mentalean eta arreta terapeutikoan gaur egun dauden erronkei buruz hausnartzeko.

Jardunaldian zehar, gaurkotasun handiko gaiak jorratu ziren, hala nola, portaeraren menpekotasunak, justizia terapeutikoa, familiekiko esku-hartzea edo osasun mentalaren integrazioa tratamendu prozesuetan. Adituek esperientziak eta ezagutzak partekatu zituzten, eta horrek diziplina arteko elkarrizketa-gune baliotsua sortu zuen.

Pozten gaitu jardunaldi esanguratsu honetan parte hartu ahal izana, hausnarketa kolektiborako, ikaskuntza partekaturako eta esku-hartze eredu gizatiarragoak, integralagoak eta jasangarriagoak bultzatzeko gune bat eskainiz.