Duchenne FM elkartearen familia-kanpamentua
Beste urte batez, Duchenne muskulu-distrofia duten haurrei eta haien familiei bizikidetza-, dibertsio- eta topaketa-egun batzuez gozatzeko aukera ematen dien aisialdi egokituko ekimen honetan laguntzen dugu.
04 Ira 2026
Duchenne duten haur askorentzat, udako kanpamentu batean parte hartzea ez da esperientzia erraza. Haien zaintza- eta laguntza-beharrak oso zehatzak dira, eta ohiko kanpamentuek ez dituzte beti haien parte-hartzea bermatzeko beharrezko baliabideak, profesionalak edo egokitzapenak izaten.
Errealitate honen aurrean, Duchenne FM (Familias en Movimiento) elkarteak familia-kanpamentu bat antolatzen du uda oro Azpeitian, behar horiei erantzuteko berariaz diseinatua. Ekimenak Espainiako hainbat tokitatik etorritako 20 familia inguru biltzen ditu, eta haurrek aisialdiaz gozatu eta antzeko egoera bizi duten beste adingabe batzuekin esperientziak partekatzeko gune bat sortzen du.
Aisialdirako eta dibertsiorako uneak eskaintzeaz gain, kanpamentuari esker, familiek gertutik gaixotasunarekin lotutako erronkak ezagutzen dituzten beste pertsona batzuekin topo egin dezakete. Gurasoentzat, esperientziak partekatzeko, elkarri laguntzeko eta etengabeko zaintza eta arreta eskatzen dituen egoera bati elkarrekin aurre egiteko aukera ere bada.
Orona Fundaziotik ekimen hau babesten dugu, aisialdirako sarbidea ongizatearen eta inklusioaren funtsezko zatia dela uste dugulako. Pertsona guztiek gozatu ahal izan behar dute partekatutako esperientziez, beren gaitasunak edo laguntza-beharrak edozein direla ere.
