Dragon Boat
Kirola, inklusioa eta gainditze pertsonala uztartzen dituen proiektua
15 Mai 2025
Orona Fundaziotik gure babesa eskaini diogu Gipuzkoako Dragon Boat taldeari, Hondarribiko HS2 Surf klubak bultzatutako ekimen aitzindaria. Kirol-proiektu hau, bere motako lehena lurraldean, diziplina nautiko bat baino askoz gehiago da: inklusiorako, osasunerako eta komunitaterako proposamen berritzailea da, pertsonak itsasoarekin, ahalegin kolektiboarekin eta gainditze pertsonalarekin lotzen dituena.
Gaur egun, Dragon Boat taldea 40 pertsonak osatzen dute adin guztietako gizon-emakumeek, eta ekimenaren alderdirik nabarmenetako bat balio terapeutikoa da. Dragon Boat-a bereziki onuragarria da bularreko minbizitik bizirik atera direnentzat; izan ere, praktika hau, bere onera etortzeko aliatu garrantzitsua da. Ariketa fisikoa, itsas ingurunea eta taldearen indarrari esker, pertsona asko beren potentziala berraurkitzen eta ongizatea indartzen ari dira jarduera honen bidez.
Orona Fundazioan, kirolak inklusio-, osasun- eta lankidetza-balioekin praktikatzean duen botere eraldatzailean sinesten dugu. Honen moduko ekimenekin elkarlanean jarraituko dugu, kirola egitea bultzatzeaz gain, komunitatea eraiki, hesiak eraitsi eta bizitza aktibo, osasungarri eta solidarioa sustatzen baitute.
